چهار راهی دهبوری کابل افغانستان
اوقات کار: همه روزه 9 صبح الی ۶ شام
ایمیل
بوتاکس رفع چملکی های صورت بزودی |
جوانی دانه |
کله چې موږ د پوندو چاودېدو پۀ اړه غږېږو، یوازینی شی چې زموږ ذهن ته راځي هغه د بدن وچوالی او د اوبو نشتوالی دی چې بدن مو ورسره مخ دی. خو اړینه نۀ ده چې یوازې د اوبو کموالی دې د دې لامل وي، ګڼ شمېر نور علتونه هم شته چې د پوندو چاودېدو لامل کېږي.
هغه لاملونه چې د پوندو چاودېدو لامل کېږي:
۱- چاغوالی:
د چاغوالي له کبله زموږ پر پوندو د ټول بدن اضافي فشار راځي، دغه مهال که تاسو پر پوندو کوم ډول لندبل یا د رطوبت کریم استعمال نه کړئ پوندې مو چاودېږي.
۲- د ویټامینونو کموالی:
زمونږ بدن ګڼ شمېر ویټامینونو، مالګین او نورو غذایي موادو ته اړتیا لري، که زموږ بدن د یادو څیزونو له نیمګړتیاوو سره مخ وي بدن مو له وچوالي سره مخ کېږی، همدا لامل دی چې زموږ پوندې د وچیدو سربېره د چاودېدو سره مخ شي.
۳- خلاص بوټونه:
داسې بوټونه یا څپلۍ استعمالول چې پښې مو په کې ازادې وي هم د پوندو چاودېدلو لامل کېږي.
۴- په ګرمو اوبو لامبل:
په ګرمو اوبو حمام کول که څه هم زموږ بدن ته ارام وربښي خو له بده مرغه زموږ د پوستکي روغتیا لپاره غوره نه ثابتېږي، ګرمې اوبه زموږ د بدن طبیعي غوړ ليرې کوي چې ورسره بدن وچېږي.
پورتني عادتونه یوزاې زموږ د پښو او پوندو چاودېدو لامل نه بلکې د لاسونو او مخ هم کېږي، د دې پاملرنې لپاره تاسو تل پر پوندو واسلین او د رطوبت کریم ولګوئ او هیڅکه پوندې وچې مه پرېږدئ.
ځینې کسان د حساسیت له کبله هم د پوندو چاودېدو سره مخ کېږي، دوی باید په خپل وخت د پوستکي ځانګړي متخصص ته مخه کړي.
نو که پوندې مو چودلې وي او تاسې يې د درملنې لپاره ډېرې هڅې کړې وي او ټولې بېځايه تللې وي، نو د اندېښنې پر ځای بايد دغه لارښوونې عملي کړئ، ان شاءالله له دې ستونزو به بېغمه شئ.
که د چا پوندې تل چودلې وي، نو اول بايد دغه ناروغ ډېرې اوبه څښل خپل عادت وګرځوي، چې د بدن اوبه يې پوره وي او تر څنګ يې لاندې لارښوونې عملي کړي.
۱- کيله:
که موږ کيلې ښې ميده کړو او په چاودو پوندو يې ولګوو، نو په ډېره لنډه موده کې به مو د پوندو چاودې ښې شي.
۲- د ليمو اوبه:
د پوندو د چاودو لپاره ليمو تر ټولو غوره او اسانه درمل دي. د ليمو اوبه، چې په تړمو اوبو کې ګډې کړې او لس دقيقې په کې خپلې پښې کېږدې، نو دا د پوندو د چاودو لپاره غوره درملنه ده.
۳- هره شپه له وېدېدو وړاندې د زيتون تېل په پښو ومښئ، لس دقيقې ورته انتظار وکړئ، بيا جرابې پښو کړئ او وېده شئ. دا کار چې څو وخته تکرار شي، نو د پوندو چاودې به مو له منځه ځي او بېغمه ژوند به کوئ.
پۀ سمه توګه د لاسونو او مخ وېنځل مو د ډېرو ناروغیو څخه د ژغورنې لار ده. دا چې پۀ ښه توګه د لاسونو او مخ پرېمنځل له ناروغیو د ژغورنې، لومړنۍ او مهمه لاره ده، په دې سربېره د مخ پرېمنځل د سالم پوستکي د درلودلو له پاره هم ګټور دي، خو په ښه طریقه د مخ پرېمنځل، د زیاتو ناروغیو مخنیوی کوي. لومړی د یوه ځانګړي بورس په واسطه له خپل مخ څخه د سینګار توکي ليرې کړئ، ځکه چې دغه توکي یوازې په اوبو نه پاکېږي؛ نو ځکه یې د پاکولو لپاره له یو ډول ځانګړي صابون څخه هم ګټه پورته کېږي. که مو پوستکی وچ وي، د نرمولو لپاره یې کریم لرونکی صابون وکاروئ. کوښښ وکړئ چې عادي صابون در وانخلئ، ځکه چې پوستکی مو نور هم وچ او چاودې کوي. که عادي پوستکی لرئ د پرېمنځلو لپاره یې له PH صابون څخه کار واخلئ، دغه ډول صابون کولای شي چې د مخ غوړوالی او چټلې دانې له منځه یوسي. که مو پوستکی غوړ وي، په داسې صابون يې پرېمنځئ چې غوړ له منځه وړي او که مو پر پوستکي دانې او بخار وي، د پرېمنځلو پر مهال د صابون له زیات کارولو ډډه وکړئ، ځکه امکان لري چې د مخ پوستکی مو نور هم وچ او چادوې په کې زیاتې شي.
د اوبو تودوخه باید څومره وي؟
تودې اوبه د پوستکي غوړوالی ښه له منځه وړي، خو دغه اوبه به نه ډېرې یخ او نه ډېرې ګرمې وي. لږ تر لږه مو خپل مخ په ورځ کې دوه ځلې پرېمنځئ؛ دغه کار د پوستکي د بخار او دانو په ورکولو کې ګټور تمامېږي، لومړی پرې تودې اوبه او ځانګړی صابون ووهئ، وروسته یې په ګوتو ښه وموښئ. خو مه هېروئ چې د دغه مساج پر مهال مو د مخ ټولې برخې ښې وموښئ، وروسته له موښلو یې بېرته په ګرمو اوبو پرېمنځئ، څو شېبې وروسته یې په یوه نرم ټوکر وچ کړئ.
لیزر درمانی |
مزوتراپی |
میکرودرمابریشن |
نویسنده : داکتر محمد عارف عابد متخصص امراض جلدی زهروی این روزها چیزی که بیشتر از دختر خانمها به آن علاقمند شده اند و در باره آن صحبت می...